Back to Front Page

ፍትህ በግፍ ለተገደሉ ንፁሃን የአማራ ተወላጆች!

ፍትህ በግፍ ለተገደሉ ንፁሃን የአማራ ተወላጆች!

 

ኢሳያስ ሃይለማሪያም 11-02-20

 

ከዚህም በፊት በተጋሩ፣ ኦሮሞ፣ ወላይታና ሌሎች ብሄሮች ላይ ተመሳሳይ ግፎች ተፈፅመው በገለልተኛ ሂደት ፍትህ ባለመሰጠቱ፣ የአለማቀፉ ማህበረሰብ፣ በተለይ የአለማቀፍ የወንጀል ፍርድ ቤት  ("ICC") ጣልቃ ገብቶ በነፃና ገለልተኛ ምርመራ ፍትህ እንዲሰጥ መጋበዝ ይበጃል።

 

የ አለማቀፍ ወንጀል ፍርድ ቤት ("ICC") ጥቅሞች:

 

በ አንፃሩ ከ ወገንተኝነት /ተቋማዊ እና ውሳኔያዊ  (institutional and decisional independence) ነፃነት ይኖረዋል፤

የተሻለ የሰው ሃይልና ገንዘብ አቅም ስላለው ሰፊ የምርመራ፣ የመክሰስ  እና የዳኝነት (better investigative, prosecutorial and judicial capacity) ስራ መስራት ይችላል፤

በዘርፉ ሰፊ ልምድ ባላቸው ባለሙያወች ይመራል፤

ጥፋተኛ ሆኖ በሚገኝው አካል ላይ ከእስራት ጀምሮ ጠንካራ የአለማቀፍ ተፅእኖ (economic & diplomatic) በማሳደር፣ እርምጃወችን መውሰድ የሚችል (better enforcement mechanism) ተቋም በመሆኑ።

 

ኢትዮጵያ የአለማቀፍ ወንጀል ፍርድ ቤት  የሮም ስምምነትን/ደንብ [Rome Statute] ፈርማ ያፀደቀች አባል አገር (state party) ባትሆንም  በ ፍርድ ቤቱ የመዳ`ኘት ስልጣንን በፍቃደኝ (voluntary/complementary jurisdiction) በመስጠት የተሻለ (efficient) እና በተቀላጠፈ ሁኔታ (expedient) ፍትህ መስጠት ይቻላል::

 

"Article 12 [of Rome Statute] provides that, in addition to jurisdiction based on Security Council action under Chapter VII of the United Nations Charter and jurisdiction based on consent by the defendant's state of nationality, the ICC will have jurisdiction to prosecute the national of any state, including non party states [through complimentary jurisdiction]...".

 

በጠራራ ፀሃይ፣ መሃል አዲስ አበባ ላይ የተገደለው የኢንጂነር ስመኝውን ጉዳይ ለማጣራት ወራት የወሰደበት መንግስት፣ እንዲት የገጠር ቀበሌ ውስጥ ስለተፈፀመ አሰቃቂ የጅምላ ግድያ፣ (ያዉም ግድያው ከተፈፀመ ገና በአንደኛው ቀን፣  የወንጀል ምርመራ ሳይጀመር)፣ ገዳዮቹ እነማን አንደሆኑ፣ የማን እጅ እንዳለበት፣ ለምን እንተደገደሉ ድምዳሜ ላይ በመድረስ የኦሮሚያዉ ፕሬዝደንት ሺመልስ በኢትዪጵያ ቴሌቭዢን (EBC) ዝርዝር መግለጫ አውጥቷል።

 

ይህ ማለት:

 

ገዳዮቹ እነማን እንደሆኑ፣ ግድያው ለምን፣ እንዴት እንተፈፀመ ቀድሞ ያውቅ ነበር፤ ወይም፣ ግድያው ሲፈፀም አይቶ ነበር፣ ወይም ድግሞ ግድያው ላይ በቀጥታም ይሁን በተዘዋዋሪ የተሳተፉ ግለሰቦች ወይም ቡድኖችን ቀድሞ እያወቀ ምንም የማዳን ጥረት (protection) አላደረገም እንደማለት ነው። እርሱ እንደሚለው፣ ንፁሃኖቹ የተገደሉት "በሌላ ሃይል" ከሆነ እና ስለግድያው እንዲህ ዝርዝር መረጃ ካለው፣ ዜጎችን ከጥቃት ለምን አልተከላከለም?

 

ከተጠያቂነት ለማምለጥ፣ በሌሎች በማሳበብ (scapegoating) ለፖለቲካ ፍጆታ በንፁሃን ደም መነገድ ይቁም።

Videos From Around The World


Back to Front Page