|
ሕማም ኮሮና
ጸጋይ ሃይሉ 03-29-20
ኣብቻይና ዝጀመረ ሕማም ኮሮና
ዐለም ተባሪዑ በጺሑ አባና
ዓለም ዝለበደ ናይ ኮሮና ሕማም
ብዙሕ ዝቀተለ ከይተረፈ ሓኪም::
ዝሰልጠኑ ሃገራት ኣይረከቡን መድሓኒቱ
ንረባረብ ክንዓግቶ ገና ብጉሓቱ
ንተግብሮ መምርሒ ናይ ፈላጣት ጥዒና
ከይንልከፍ ብሕማም ኮሮና
ኢድና ንተሓጸብ ብሳሙና::
ዋዕላ ብዙሓት የብሉን ጥዒና
ይትረፍ ሕውስውስ ክሳብ ዝሃልፈልና
ኢድ ምጭባጥ ምስዓዓም ይትረፈና
ብርሑቁ ዒድ ንንሳእ ከም ነባር ባህልና::
ከይንልከፍ ብሕማም ኮሮና
ኢድና ንተሓጸብ ብሳሙና::
ኢድ ይጹም ብሳሙና ክሳብ ዝጸሪ
ኣይንንካእ ዐይኒ፤አፍንጫ፤አፍ ናይ ኮሮና በሪ
ዕቅን ንግበረሉ ሓዘን ሓጎስ ፌስታና
ንተሓላለ ክንሕሉ ሂወትና::
ካብ ኮሮና ንውሰድ ምህሮ
ጽሬት ነብስና ልሙድ ንግበሮ
ከይንልከፍ ብሕማም ኮሮና
ኢድና ንተሓጸብ ብሳሙና::
|